Man Utd chuan an boss Erik ten Hag-a hnuaiah pre-season tha takin an khel a, team 6 an khelh zinga team 5 an hneh. Atletico Madrid lakah 1-0 in an tlawm mahse an khel thain goal thunna hun tha pawh an nei nual. 

Ten Hag-a khelh duh dan leh rem dan chu pre-season-ah a lang ruak a, game hmuhnawm tak a chhawp chhuak ngei dawnin a lang. United hian attacking football an khel nasa a, hmasa chiang taka lang chu Ten Hag hian hmatawng lamah player quality sang deuh hlek a mamawh belh a ni. 

Manchester United tan pre-season hmang tha mi pahnih te chu:

Diogo Dalot
Diogo Dalot hian pre-season duhawm tak a hmang a, right-back turin Ten Hag-a'n a ring a, a tisual lo. Ole Gunnar Solskjaer-a hnuaiah Dalot hian hmun a chang tlem hle a, a aiah Aaron Wan Bissaka hman thin a ni. Ralf Rangnick khan United thla 6 a enkawl chhung khan Dalot hi hun tha a pe a, mahse tun thlengin right-back position bik hi nghet chet-chawt a luah thei tur rinngam an la awm lo mai thei. 

Pre-season-ah khan Ten Hag duh dan system angin Dalot khan a khel chhuak a, attacking full-back nen kawpin mual sir lamah nasa takin a pui a, passing tha tak tak a nei bawk. A sir lam atang a rawn nawr khan midfield leh attacking lai a pui nasa hle a ni.

Jadon Sancho
Jadon Sancho hi player dang manager tharin a chhawr tangkai thiam em em a ni bawk. 

Borussia Dortmund atanga £73 milion zeta United a zawm hnu khan England international khel phak turin pressure tam tak a tawng a, mahse winger hian mi beisei a phak thei lo. United a player tha ber pakhat ni chung khan player pawimawh a ni phak tlat lo. Ten Hag-a hnuaiah erawh player pawimawh ber pakhat a rawn nichho tan ta. 

Sancho leh Dalot hi an inkawp rem em em a, an attack a hmuhnawm bakah kum 22 mi hian confidence pawh a neih belh nual tawhin a hriat. Fans lam pawhin winger lakah hian beiseina sang tak an an nei thar ngei ang.