Premier League champion tur club rin thiam a harsa
![](/storage/news/post/LH0i03XzeEV8BihQeBD0Cbjszwq2RgxEUyeEFKG5.jpg)
Football league hmuhnawm ber pakhat Premier League season chu tan a ni leh ta a, kumin season hi chhan hrang hrang vangin kum dang zawng aiin champion tur rin thiam a harsa dawn hle a ni.
Zirtawpni zan khan Patrick Vieira enkawl Crystal Palace chu an mualah Arsenal ten len chilhin sihnih faiin an hneh a, nizanah match 6 an khel leh bawk. Tun season hi thlasik laia World Cup khelh a nih dawn vangin kum dang anglo takin kar 6 chhung zet an chawl dawn. World Cup khel tur player an awm nual dawn vangin hei hian club leh player-ah nghawng lian tak a nei ngeiin a rinawm.
Tun hnaiah Liverpool leh Manchester City ten Premier League an awp bet hneh hle a, mah se kuminah erawh thlasik transfer vangin team an inla tha hlawm a, season dang zawng aiin club dang pawh an rawn sang chho ngeiin a rinawm bawk.
Fixture a buarchuar
World Cup vangin season dang zawng aiin kar khat zetin Premier League tan hma a ni a, hei vang hian kar 14 chhung lek August 5 leh November 13 chhungin round 16 khelh hman a ngai dawn a, a chep viau mai.
League final fixture hi pawhfan a ngai dawn a, Carabao Cup leh FA Cup bakah European Cup te khelh a ngai dawn bawk nen inkhelh hun a khat hneh hle dawn a, player te an chauh dawn vangin squad chhah an nihlawh ngei ang.
Boxing day-ah tan leh dawn chauh
November ni 21-ah World Cup tan nih dawn vangin November ni 16 atangin league hi chawlh lailawk a ngai dawn a, December ni 18-ah World Cup final khelh a ni dawn a, masi ruai theh ni December ni 26 (Boxing Day)-ah Premier League chu tan a ni leh dawn chauh a ni.
December ni 17-ah pathumna zawn a ni dawn bawk a, semi-final thleng ram player te chuan Qatar atanga haw chhung nen kar khat tha bak hahchawlhna hun an nei dawn lo a, an hah dawn bik bakah team te nena training na hun pawh ni thum bak an neih a rinawm loh.
UEFA an lo awm ve leh zel
Season an pawh tawi hlawm dawn vangin chumi mil chuan UEFA lam pawh anlo insiam rem ve a, chawlhkar 13 an khelh thin Champions League chu kar 9 chhunga zawh hman tum a ni. Group stage game zawng zawng hi World Cup tan hma November thla chhunga zawh fel vek hman a ni bawk. Champions League final round hi December ni 8 a khel leh tura tinzawn niin he mi thla hi chu a khat hneh dawn hle a ni.
Top four inchuhna a na dawn
Inkhelh a tam em vangin club tam zawk chuan an squad an insawi danglam deuh a ngai dawn a, chutihrualin player naupang zawk ten chance an neih phah thung ang.
Premier League top 4 te chuan hemi hria hian emawni tun transfer chhung hian pawisa an hmang tam hlawm hle a, an squad pawh a chhah tha hlawm khawp mai. Player tha ngawt an luh reng theih dawn loh vangin player naupang leh hriat hlawh lem loh ten hun tha an neih theih phah ngei ang.
Arsenal leh Spurs ten top four kai ngei an tum
North London club pahnih hi tun transfer-ah chuan pawisa hmang nasa ber zing a mi an ni a, league lama an phak loh Liverpool leh Manchester City phak ngei tumin tan an la tih a chiang.
Tottenham hian player thar 6 sign tharin £90 million chuang an seng a, an player lakluh zingah Richarlison, Ivan Perisic, Yves Bissouma leh Djed Spence te an tel. Arsenal hian £120million bawr hmangin Gabriel Jesus, Oleksandr Zinchenko leh Favio Vieira te an lalut bawk. Anni bakah loan hmanga chhuak William Saliba chu Marseille atangin a rawn kir bawk.
Heng club pahnih bakah hian top four kai phak ngei tum club lian pahnih Chelsea leh Manchester United an la awm bawk a, Chelsea hi neitu thar hnuaiah an phur hle a, United lah Eric Ten Hag-a hnuaiah an khel tha chho hle bawk.
World Cup zawh thlasik transfer a pui dawn
Khawvel tournament lian ber World Cup-ah player talent nei tha taktak an rawn inlar nasa hle dawn a, chuvangin January thla transfer-ah hian player thar tha inchuhna a nasa dawn a, pawisa leng vak vel pawh a tam ngeiin a rinawm.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024