ZALEN April 18, 2025; Vawiin chhun dar 12:30 khan Mizoram tlawh a rawn zin Dr. Montu Kumar M Patel, President, Pharmacy Council of India chuan Aizawl Press Club-ah press mite kawmna hun a hmang. 

A thil sawi tlangpui te: 

1. Health care a Pharmacist te pawimawhna hrang hrang sawiin, Section 42 of Pharmacy Act, 1948 in Pharmacist te kut ngei atang chauha damdawi dawn theih a nih thu a sawi.

2. Pharmacy Council in thuneihna sang tak a neih thu a sawi a sawi a, state council pawh in pharmacist te training leh skill development neih pui reng a tum thu a sawi.

3. Skill development a awm theihna turin Health Minister a sawipui thu sawiin, Mizoram sawrkar in hmunhma a ruahhman sak theih chuan Central lam atanga a traning na hmun sakna tur tum an huam thu a sawi.

4. Mizoram chhunga Pharmacist post sanction 122 awm chungin pharmacist post ngeta awm lai mek 25 chuah an awm chu a rilru natthlak a tih thu a sawia, Sawrkar hospital hrang hrangah pharmacist te manpower in a daihloh nasa a rin thu tarlangin, sawrkar in post ruak 97 hi hnawhkhat thuai se a tih thu a sawi bawk. 

5. Mizoram chhungah Drug abuse leh damdawi țhalo atam lutuk te chu veiawm a ti a, Drug regulation a țhat lehzual theih nan Food and Drug Administration hnuaia Drug Control Officer sanctioned post 12 a awm laia post ruak 7 lai mai a awm hi hnawhkhah thuai a nih theih nan sawrkar chu hma la turin a sawm bawk.

Nimin lamah Lalrinpuii,Health Minister hmunin heng harsatna hrang te hi a sawipui a, vawiin lamah Dr. VK Singh, Mizoram Governor hmuin heng thu te hi a thlen bawk.