AS Roma chuan Liverpool player hlui PSG lama beisei phak lo Gini Wijnaldum chu Jose Mourinho hnuaia khel turin an ziak lut fel.  

Liverpool midfielder hlui Gini Wijnaldum hi ningani khan Rome khawpuiah a thlawk lut a, official leh fans ten ropui takin airport-ah an lo hmuak. Medical leh tih tur pawimawh hrang hrang an tihfel hnuah official takin AS Roma player a nih thu an puang ta a ni.  

Kum 32 hian Merseyside a chhuahsan hnuah harsa takin thla 12 a paltlang a, Ligue 1 club lian Paris Saint-Germain lama a awm chhung hian a chefuh hlei thei lo va, Mauricio Pochettinho-a hnuaiah khelh a chang meuh lo. Loan hmanga a pan AS Roma boss Jose Mourinho hian chhawr thiam tak maw. 

Roma lam hian naktukah ropui takin an player thar hi ropui taka lawm an tum a, Olimpico khelmualah Shakhtar Donetsk nen friendly an khelh hunah supporter 60,000 hmaah an player thar hi phochhuah an tum a ni.