ZALEN May 8, 2025 : MNF President Zoramthanga chuan chhim lam fan programme a hmang mek a. Vawiin khan Hnahthial Mizo Hnam Run a tlawh a, thusawina hun a hmang a, Chief Minister Lalduhoma chu central-ah a tla tlum lo hle niin a sawi.

Zoramthanga chuan thusawiin, "ZPM sawrkar a tlahniam raih raih mai a, keini kan sang zel a, hma kan sawn mek zel a ni. He sorkar hi Amit Shah nen kan inkawm pawhin ka rel duh lo a ni. ZPM hi term khat emaw tal an sorkar a ngai a ni, mipuiin an hriat chian theih nan. An nih tur ang han ni sela sawhthing te han lei sela kan enchhin zel ang chu," a ti.

MNF President chuan, "A lehpekah an sawrkar ang em, tih mipuiin an zawt lo, tun term hi an sawrkar tluan ang em? tih hi mipui zawhna a ni," a ti a."Pu Duha hi khu lamah a tlatlum lo hle a, sum leh pai nawr pawhin a zin ngai ta lo reng reng a ni. Tun ang hunah chuan sum leh thil dang nawra Chief Minister te chu zin tlut tlut awm a nia, a zin lo reng reng a ni," a ti.