June 20, 2023; Vanneihthanga Vanchhawng (LPS) chuan congress a zawm chhan sawiin, congress a zawm chhan pawmpui thei lo chu ram hmangaihtu ah a chhal thei lo niin a sawi.

Sawrkar felloh avanga ram leh mipui tawrhna a vei tih sawiin, induhsakna uchuak te, dan lo anga contract inpek, mipui sum tam tak luanralna te a vei em em niin a sawi.

Ram hruaitute thil tihna ah smuggler lian, Assam lam wanted thlengin tlar hma lama an thu vung thin a hmuh te in kan ram kal zel tur hi a ngaihtuha awm a hriat thin thu te, a phak ang tawkin sawrkar hgnathawh dan kalphung a bihchianna ah hawina lam a piangah siamthat ngai a hmu thu te, chung te chu a phak tawkin media hmang a a au chhuahpui thin thu te a sawi bawk.

Tunhnai inthlanna thenkhatah ZPM an chak hle tih sawi bawkin, an (ZPM) thli tleh an dawng thiam lo a, an buai zo ta vek a, va tel ve na chi pawh a ni ta lo, kan tello hian an buai ta em em a, va tel ve phei ila an buai leh zual dawn tihna pawh a ni maithei, chutiang chu a nih mek laiin, mi thahnemngai , ram leh hnam veitu ten reform agenda an duan chu ka zirchiang a, tha ka tih vangin ka zawr vek a ni, tiin, kan ban phakah sawrkar tha a awm a, kan tanrual chuan sawrkar tha kan nei thei a ni, a ti bawk.