December 20, 2023; Vawiin chawhnu dar 1 bawr vel khan Pukzing (Mamit district) ramchhung-ah quarry a chim a, SLP company hnathawk hnamdang pathum (3) an thi nia thudawn a ni.

Pukzing atanga ZALEN thudawn danin, quarry awmna hmun hi Pukzing leh West Phulpui inkar, Pukzing atanga km 6 vel a hla a awm a ni.

Quarry chim hian SLP company hnathawk hnamdang pathum a chhilh a, a hmunah an boral nghal nia thudawn niin, heng boral ta te hi Hitachi driver nia hriat an ni a, khawi lam state mi nge an nih tih pawh chiang taka hriat theih a la ni lo.

Pukzing Branch YMA hruaitute chuan quarry ah hian Mizo hnathawk an awm lo niin an hria.