England lalnu Queen Elizabeth II chu Thawhtanni khan vuiliam a ni a, a vuina programme hi TV-ah live-a pekchhuah niin mi mataduai 28 zetin an en. Hei hi UK bikah chauh a ni a, entu an tam lai berin mi maktaduai 28 hi a kai a ni. 
 
TV channel 50 chuan live hian an pe chhuak a, BBC One-ah entu an tam ber a, mi maktaduai 20 zet an tling a ni. ITV-ah pawh mi maktaduai 5.3 zetin an en. BBC chuan an live telecast hi minute thum chhung tal en tling mi maktaduai 32.5 zet an awm thu an sawi a, vuina hun an hman chhung hian YouTube-a an live pawh khawvel hmun hrang hrang atangin mi nuai 6 bawr entu an nei reng a ni. 

Westminster Abbey-a an vuina hi TV-a an live chhung khan chawh rualin mi maktaduai 26.2 in an en reng anga chhut a ni a,  he tih lai hian kum 1997-a Princess Diana vuina kha mi maktaduai 32 zetin an en anga chhut a ni - Queen Elizabeth II ai hian entu an tam zawk tihna a nih chu.