ZALEN April 8, 2025; Chanmari Local Council leh Chanmari branch YMA (Aizawl) in an veng chhunga foreigner raltlan awmte chhiarpui an nei dawn a. Raltlante dawr luah tir lo turin an ngen bawk.

Chanmari Local Council & Chanmari Branch YMA thuchhuak :- Dt: 07/04/2025

Foreigner raltlan chungchang

• Chanmari Veng chhunga Foreigner raltlan awm zawng zawngte chuan Mizoram Sawrkar siam Temporary ID neih vek tur a ni. A la neiloten a ranglamin Chanmari Local Council hnenah form dil theih a ni. Chanmari Local Council leh Chanmari Branch YMA tangkawp chuan vengchhunga foreigner raltlan awmte chhiarpui a nei dawn a. Vengchhung mipuite leh in neitu zawng zawngte thlawp tlat turin kan inngen a ni.

In luah chungchang

• Chanmari Local Council/YMA hriatpuina tellovin foreigner raltlante in luah tir lo turin kan inhriattir e.

• Local Council/YMA pem lehkha neilote in luah tir lo turin kan inhriattir e.

Sumdawnna chungchang

• Foreigner raltlante vengchhung mipuiten dawr luah tir lo turin kan inhriattir e.

• Hnamdang sumdawngte inremsiama Mizo hming hawh tir lo turin mipuite kan inhriattir a.Hetiang ti hria kan awm a nih chuan Local Council/YMA hriattir turin kan inngen a ni. Remchang hmasa berah Local Council leh YMA ten endikna hun an nei ang.

sd/- 

R.Malsawma

Chairman

Local Council, Chanmari

sd/-

Sailianpuia Sailo

President

Chanmari Branch YMA