ZALEN April 4, 2025; Nimin tlai khan Champhai Vengthar Village Council (VC) member pakhat chu raltlan kumtlinglo nia hriatin kut a thlak.

Thu lakna Maipawl.org in a tarlan danin, Champhai Vengthar VC member pakhat Hmingsawipuia chuan an veng chhunga awm ngai lo, a hmelhriat ngai loh tleirawl chu tunge a nih a zawt a, 'Ngente' khua a nih thuin a chhang a.

Hmingsawipuia chuan 'tu in luaha awm nge,' a nih a zawh leh chuan, raltlan tleirawl chuan 'i hriat ve a ngai lo,' tiin a chhang a, zawh chian leh tuma a pan hnai chu Hmingsawipuia hi kut a lo thlak ta a ni.

He thil thleng hi Champhai Vengthar mipuiin an hriat veleh an pungkhawm nghal a, khawtlang hruaitute'n VC house-ah khungin mipui thinrimin kut an thlak hmain police ten an la a ni.