ZALEN January 13, 2025: Entrepreneurship Development Conclave 2025 chu vawiin khan GD Madgulkar Auditorium, Pimpri-Chinchwad, Pune, Maharastra-a neih a ni a, he hunah hian SR Piggery Farm, Lengte neitu Zorinpuia chuan Piggery Entrepreneurship lama titha lawmman a dawng.

Zorinpuia hian India rama National Livestock Mission Scheme hnuaia Piggery Farm dinna tura insak atanga ranvulh thlengin monitoring leh inspection te tha taka a paltlang hnuah subsidy tlenga dawng tawhte zingah a zo hmasa leh ti tha ber zingah thlan a ni.

Mizoram chu India rama National Livestock Mission-Entrepreneuship Programme (NLM-EDP) a ti tha zual top 10 a thlan zingah telin, North East State-te zinga ti tha ber a ni bawk. National Livestock Mission Scheme hian sa, bawnghnute, artui leh ranchaw-a intodelhna tura hmalatute tanpui nan subsidy a pe thin a ni.

He conclave hi Department of Animal Husbandry and Dairying, Government of India chuan thlengin, Union Minister of State for Fisheries, Animal Husbandry and Dairying George Kurian chuan a hmanpui a. National Livestock Missiona hmalaknate thirhona leh sawihonate neih a ni bawk.