Bollywood superstar Ranbir Kapoor leh Alia Bhatt te chu an innei dawn tih media te chuan an tarlang a, April thla laihawl vel an tinzawn niin an sawi - hemi chungchangah hian Ranbir Kapoor a la ngawi tlat thung. 

Ranbir-Alia te hi April hian an innei dawn a, an chanchin hian ngaihven a hlawhin zawhna pawh an dawng nasa hle tih media te chuan an tarlang. Hetih lai hian a innei turte ber Ranbir-Alia te hi an la ngawi rih a, mipui tan thuchiang hriat chian tur a awm lo. 

Media ten zawhna an zawh chang pawhin chhana felfai tak an pe ngai lo a, inneih chungchang ngat phei chu an sawi chhuak duh meuh lo. Tun hnai khan Varanasi-ah an film chhuak thar tur 'Brahmastra' an shoot a, hemi tum pawh hian media lamin bawr nasa viau mahse inneih chungchang erawh an zawt chhuak thei chuang lo. 

Ranbir-Alia te hi 2018 atang khan an in 'date' tan a, Bollywood star zingah chanchin sawi hlawh leh ngaihven ber pakhat an ni.