ZALEN January 1, 2024 : Mizoram a Presbyterian kohhran hlun ber zingami Republic Veng Presbyterian Kohhran chuan kumin 2024 Kumthar Ruai an theh dawn lo.

Kumthar ruai theh a ni dawn loh avang hian kohhran chhungah pawh titi a tam hle a, a tha ti pawl leh pawl lo pawh an awm niin hriat a ni. Kumthar ruai theh leh Jubilee hi thil inkaihhnawihna awm lovah ah kohhran mi tam tak chuan an ngai a, an veng chhungah chuan hemi chungchang hi an titi a tling. Kumthar ruai àn theh lo tur hi kohhran mi tam tak chuan an hrethiam lo hle niin hriat a ni.

Republic Veng Presbyterian Kohhran hian 2024 January 26 hian an kohhran Diamond Jubilee an thleng dawn a, hemi pual hian an venga lo awm tawh te leh an veng atanga lo indang tawh te huapin hun hman an tum a, huap zau zawka hun hman àn tum avang hian an kohhran committee chuan kumin Kumthar lawmna ruai hi siam lo turin ruahmanna hi an siam a ni.