February 8, 2024; Ruang phurhna tur chungchangah guidelines duan mek a ni a, a senso tur tun budget session a pass theih turin dah tum a ni.

Hemi chungchang hi vawiin a thuthar thehdarhtute a kawmna ah sawiin, Health Minister Lalrinpuii chuan, khawpui zawk leh khaw dang dangah Mizote kan lo in zarpharh ve nasa ta hle tih a sawi a, "Chhiat kan lo tawh hian mahni inlum ah ngei ruang thlenpui kan duh thin," tiin, sawrkar tha chakna hmanga mipui duhdan tih hlawhtlin chu tha an ti niin a sawi.

Ruang phurhna tur hian thil tul leh ngaihtuah tur tam tak a awm tih sawi bawkin, "A kalphung tur guidelines kan duang mek a, a senso tur sum pawh tun budget session a pass theih turin dah kan tum," a ti bawk.