Mumbai Crime Branch chuan nupa telin mi pathum, an fa sen hralha ruihhlo lei nana hmangtua puhte chu an man.

Nupa hian an fanu thla khat mi chu hralhin chhanchhuah leh a ni a, Andheri-ah man an ni a, an fapa kum hnih mi pawh zawn zui mek an ni.

Mi mante hi nupa, Shabbir leh Sania Khan leh Shakeel Makrani te an ni a. An agent, hralhnaa commission lo latu, Usha Rathod pawh man a ni tih Crime Branch chuan an sawi.

“An nupa hian ruihhlo ngawlvei an ni a, an fate hi a man atan Andheri-ah an hralh a. An chhungten an hriat veleh police-ah thlenin thubuai ziah luh nghal a ni a, man an ni a. An fapa hi Rs. 60,000 leh an fa sen hi Rs. 14,000-in an hralh a ni,” tiin Daya Nayak, Mumbai Crime Branch chuan thuchhuahah a tar lang.

Police hian Shabbir Khan, a nupui, Sania bakah Usha Rathore leh Shakeel Makrani te lakah thubuai a ziak lut a. Shabbir leh Sania hi drug addict an ni.

“Ruihhlo tel lovin an khawsa thei lo va, hetih lai hian Rathod-a nen hian inbiain an fapa chu Rs. 60,000-in an hralh a. A leitu hi puanzar a la remchang lo va. An fanu hi Shakeel Makrani-a hnenah thla hmasa khan Rs. 14,000-in an hralh leh a ni,” tiin Crime Branch chuan an sawi.

Shabbir-a farnu, Rubina Khan-i’n an thiltih hi a hriat chhuah veleh a thinrim chuan D.N. Nagar Police Station-ah a nuta leh a mo chet dan hi a thlen nghal a ni.

Rubina-i’n a thlen ang hian D.N. Nagar police hian thubuai an ziak lut a, crime branch-in an chhui zui ta a ni.