Austrian-American actor Arnold Schwarzenegger chuan tun hnai khan Russia-in Ukraine a do chungchanga a ngaihdan a sawi chhuak a, hei hi Russia mipuiten social media lamah an vawrh darh nasa hle. 

Kum 74 mi Arnold Schwarzenegger hian Russian President Vladimir Putin chu thu a chah a,"Indona bultantu i ni a, a titawp theitu pawh i ni," tiin, indona titawp tura a phut thu a sawi chhuak. Ukraine run thlawp lotu Russia mipuite chu fakawm a tih thu a sawi bawk a, indona chu tihtawp a hun tawh tih uar takin a sawi a ni. He a thu sawi hi Russia mipuiten an thlawp tih hai rual a ni lo a, a thusawi video hi social media lamah an thehdarh nasa hle a ni.