Russia-in Ukraine a hnaih zel
US National Security Adviser Jake Sullivan chuan Russian sipaite hi tunah chuan ‘sipai chakna hmanga che chhuak turin an awmhmun turah an inrem tawh’ niin a sawi.
“Hma hun tur hi sawi lawk a har a, engnge thleng dawn kan hre lo; mahse, risk a sang a, tun hi Ukraine chhuahsanna hun remchang tawp a ni rih,” a ti.
Sullivan-a hian Russian President Putin-a hian rûn turin thu a tihtluk dan tur an la hre lo tih a sawi a, vansang lam atanga che tan tura rin a nih thu a sawi.
Russian sipaite hi Ukraine ramriah kar hmasa atang khan inchhawpin Black Sea-ah pawh nunchan an zir thuai dawn niin Sullivan chuan a sawi.
President Biden-a a mite la chhuak turin sipai a tir dawn lo tih a sawi bawk.
US hian Fort Bragg, North Carolina atangin Poland-ah sipai 3,000 a chhawp dawn a, karlehah thleng tur an ni a. Heng mite hi indo tur ni lovin US tanpuite himna tura tih an ni tih Biden-a chuan a sawi.
Russian Navy chuan Zirtawpni atang lha Crimea-ah drill an nei tan a, Belarus nen Ukraine hmar lamah ni 10 chhung sipai nunchan an zir mek bawk a. Ukraine chuan Russia hian tuipuia a che vel tur a dang niin a puh bawk.
Belarus nena nunchan an zirna atang hian Russia hian Ukraine hi a rûn a nih chuan an sipaite hian Ukrainian khawpui, Kyiv chu awlsam lehzualin a lut thei dawn a. Hetih lai hian Russia erawh chuan an sipaite hi an awmhmun pangngaiah an let leh mai dawn niin a sawi.
Latest News & Chhiar Hlawh
-
1m | Apr 24, 2024
-
1m | Apr 24, 2024
-
1m | Apr 24, 2024
-
1m | Apr 24, 2024
-
5m | Apr 24, 2024
-
2m | Apr 23, 2024
-
1m | Apr 23, 2024
-
1m | Apr 23, 2024
-
3m | Apr 23, 2024
-
1m | Apr 23, 2024
-
1m | Apr 23, 2024
-
1m | Apr 23, 2024
-
1m | Apr 22, 2024
-
1m | Apr 22, 2024
-
1m | Apr 22, 2024
-
2m | Apr 22, 2024
-
1m | Apr 22, 2024
-
1m | Apr 22, 2024
-
1m | Apr 22, 2024
-
1m | Apr 22, 2024