DOWNLOAD OUR APP

Read latest news on your phone
app-store
Russia kut atangin ram 6,000 sqkm kan la let - Zelensky
Sep 13, 2022

Ukraine President Volodymyr Zelensky chuan September thla tir atang khan Russia-in a awp an ram 6,000 sq km zet chu an ram sipai ten an la let tawh niin a sawi. Heng an ram laklet te hi khawchhak leh chhim lam a mite a ni a, Ukraine sipaite hi ngawrh takin a che zui zel bawk.  

Ukraine President Zelensky chuan Russia nawr chhuak turin an sipai ten hma an sawn zel tih sawiin, "September thla tir atang khan ram zau tak kan lalet tawh a, vawiin thlengin 6,000 sq km zet chu kan lakir leh tawh a ni. Kan sipaite pawhin ngawrh takin an beih chhunawm zel e," tiin a sawi a, sipaite chu a chhuan thu a sawi bawk. Ukrainian troop te hian Kharkiv-ah hian an ram flag an tar leh tawh a ni. 

Russia chuan a awp zinga hmun pawimawh tak pakhat Kharkiv region chu Ukraine sipaiten an lalet leh tawh tih hi a nemnghet tawh bawk a, he lai hmun atang hian a sipaite pawh a hnukkir tawh a ni. Russia hian a sipai hnuk kir mah se tha thlah mai a la tum hauh lo a, Luhansk leh Donetsk region lamah a insawrbing leh dawn nia sawi a ni. 

US Secretary of State Antony Blinken pawhin Ukraine sipaite hmasawn thu hi a sawi chhuak a, an ram zau tak an lakir leh tawh tih a sawi. Chutih rual chuan Ukraine chuan hnehna a chang tihna a la ni tih a sawi a, hma erawh an sawn zel tih a sawi. 

Russia President Vladimir Putin chuan Ukraine-ah hian February 24 atang khan sipai a tir lut a, tun thlengin indona hi an la kalpui a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh