“Kan siamna man ai tlawm te’n kan hralh”
Aizawl: State khawpui exhibition centre nei mumal loh vangin thingtlang mi bawkin an tuar a, a hmaa Saras Fair neih na thin Assembly Annex chu House Committee in security thilah a phal tawh loh avangin Mizoram State Rural Livelihood Mission in an huaihawt Saras Regional Fair 2019 chu Tuikual-a Multi level parking saklai hmunah hmun dang dawl zo a awm loh vangin neih a ni a, he hmunah hian stall 81 zet chu ek beng a ni lo thei lo niin a hmuna tlawhtu Zalen chuan thu a dawng. Thingtlang mite’n ‘Aizawl Fair ah ka thil siam ka hralh dawn’ tia an inhnemna kuminah a nghing det.
Saras Fair 2019 a telte chu Zalen-in kawm kualin a tlangpuiin kum dang an pha lo niin an sawi a, an thilzawrh erawh a danglam lo niin an sawi. “Annex-a kan neih kha chuan kan inhralh tha a, hmun a zau nuam bawk a. Tuna kan neihna hi chu a chep lutuka min dawrtute nen a inbiak hleih theih pawh a ni lo,” tiin East Lungdar Block stall neitu pakhat chuan a sawi.
Zawlnuam stall 1 pawhin kum dang an pha lo nia sawiin a hmun (location) zir loh vangah an puh a, tlawhtu an tlem phahin an hre bawk.
“State exhibition centre tha tak hi chu kan mamawh a, exhibition a innghat an tam tawh a, hmun kan neih that lai hi a siam theih ang,” tiin tlawhtu pakhat chuan Zalen a hrilh bawk.
House Committee Chairman Er. Lalrinawma chuan, “Rorelna insang ber a ni a, security thilah sumdawnna hmun atan siam chi a ni loa, a dawrtute lah tute nge hriatsen an ni si lo a, bomb te puak thei a ni a, bakah House hlutna/zahawmna (sanctity) a ti nepin kan hria a, Committee chuan hrehawm ti takin midang pawh kan hnawl zel a ni,” tiin Zalen zawhna a chhang a. Hmun lailaiah exhibition centre neih chu a pawimawh a tih thu a sawi bawk.

KAN? DINHMUN
Saras Fair Aizawl hnuhnung berah Nuai 35 man vel inhra lh a ni. Kumin hian Nuai 30 an pel hret chauh a ni. Nitin tlawhtu 1100 awm ang an ni.

AIZAWLIN HMUN A NEIH?TE
MC Rooftop 8000 sq ft vel, hman man a zia tawh a, a awl mang lo. Inpho chhuahna turin chung mumal a neih lo.

DMC Dawrpui Multi-purpupose Centre ah 6000 sq ft inphona chu a awm.

CITY PARK Aijal Club-in an enkawl a, ahmun hman man a to avangin mipui nawlpuiin to a ti deuh zel.

AIZAWL?MAMAWH 8000sq feet tal chhawng 3/4, tul dang te tel thei tur. NE ang thil tih dawl zo tur state exhibition centre.