Aizawl May 7, 2024 : Vawiin khan National Service Scheme (NSS) Cell, Mizoram leh ‘Save the Riparian’ te chuan Khawpui thenfai chungchangah Joint Meeting an nei.

Meeting hi State NSS Officer F. Sangvuana’n a kaihruai a, meeting ah hian faina kawnga NSS hma lo lak thin dan te ngaithlak a nih bak ah ‘Save the Riparian’ ten Mizoram lui leh kawr a bawlhhlawh thenfaina kawnga hma an lak tawhna chi te leh an hmachhawp te ngaihthlak a ni.

Meeting ah hian NSS leh ‘Save the Riparian’ te thawh ho dan tur rel a ni a, a tahtawla Aizawl chhehvel lui leh kawr te tihfai kawngah thawhho zel an tum. Tha thawha tihfai bakah mipui hnena 'Awareness Campaign' kalpui bakah dan bawhchhiate dan anga hrem an nih theih nan sawrkar thawhpui leh kawhhmuh a tul thu te an sawi bawk a ni.