SAWHKHAWK of the day Chhut sual a tlem tawh tiin an han fak cheu va, fak in dawl lo, chiang deuhva tihsual in nei lehnghal ringawt mai. Chutih laiin kar hmasaa mahni intihlum venna ni puala article in rawn chhuah leh Pu Hrekima thu ziah chu kan ram mamawh tak niin ka hria. A dang pawh a tha a, Shadow Cabinet pawhin beng a tivar bawk a. Tan han la sauh sauh ula, chhut sual hi keini mi mawlin chanchinbu hlu kan teh ve thiamna tawk zinga langsar tak a nih avangin chhinchhiah a awl deuh thin a, han fimkhur lehzual ula, mipuite tana thu ngaihnawm leh tha han chhuah zel teh u. - PCRina Kar hmasaa Article in rawn chhuah chu a tha hle mai. Pu Hrekima’n khatiang lam hawi a rawn ziak chiah bawk si a. Tunlaiin kan ramah mahni intihlum ta mai hi kan tam ta hle mai a, hetianga tan lak hi a pawimawh a, khang inthu rawn chhuahte khan a tha zawngin nghawng a neih ngei ka beisei a ni. - Maramtea Kar hmasa Sawhkhawka naupang inkhawmpui chungchang kha ka ngaihdan chiah a ni. He hun hi naupang sikul luh dawn leh Krismas vuakvet tih lohvah chuan mi rethei nu leh pate tana hun hrehawm ber lai a ni ang. In vengah a ni ve hlawm em ka hre lo va, kan vengah hi chuan zirtirtu lam hian naupang hnenah thawmhnaw thar neih loh tur an tih fo laiin anmahni hian an nei leh roh thin a, naupang lamin an lo hre leh tho bawk sia, entawn tur an awm lo a ni ber mai. - Mi rethei nu Kar hmasaa Shadow Cabinet in rawn chhuah chuan ka beng a tivar kher mai. Keini ang duang hi chuan khatiang thu ang chi kha hriat thiam vek hi a harsa a, a fiah kuar bakah ngaihdan siam dawn pawhin ngaihdan min siamtir ve theih phah alawm. - Remrema Tunlai chu Pu Biaksiama a lar hle mai. Thenkhatin a lawina Kohhran, Presbyterian beih phah nan leh sawisel phah nan an hmang a, thenkhatin Presbyterian fak phah nan leh an tih dik loh a nih lohzia sawi nan an hmang a. Whatsapp lamah pawh a ri na khawp mai. Ngaihdan ka siam thiam tehchiam lo va; mahse, a mi mal thahnemngaihna avanga Mizoten Bible version dang kan nei hi chu a lawmawm lamah ka ngai a, Kohhranin an duh loh ber, a thuhmahruai kha hnukhniam hret sela chu engmah helh chhan tur a awm lem lovin ka hria. - Mamawitea Presbyterian Kohhranin eng emaw hlek an tih apianga beih vak nana kan hmang thin hi chu a tha lo ngawt mai. Keia ngaihdanah chuan, a Kohhrana lawi ka nih vang lam ni lovin, Presbyetrian aia kalphung fel nei hi kan ramah an awm lo va; chuvangin, Pathian rawn chunga an tih hi chu a dik tlangpui niin ka hria. Sawisel phah chiam nan hmang tawh lo vang u. Tin, eng Kohhran pawh ni se, sawisel chiam emaw, beih chiam emaw hi a fuh lo hrim hrim niin kei chuan ka ngai a ni. Pathian zah lohthlakah ka ngai ve hmiah mai a ni. - 9436360899 Tunlai hian Veng tun maiah hian gas hi a harsa ni mai hian ka hria a, a va han manganthlak em em ve maw le! Kan sorkar chak tak hian hei aia hnianghnar hian min pe thei ngang lo nge, an theihtawp an chhuah chungin an tih theih bak piah lam a ni zawk. Chutih laiin mi sual thenkhatiin an lo tichungpen me vek bawk si, a hahthlak em mai. Tunah pawh kan nghei leh mai dawn. - SangteaCT Aizawl Veng pakhata KTP chuan khawpui chhunga riahna tur nei lo, zana khawlaia riak mai mai thin, ruihhlovin a tihbuaite tan zanah hun an hmang tih thawm ka lo hria a, an ti tha hle a ni. Kan Kohhran thalai pawl tam tak hi chu an huam chhungah, anmahni nuam tih danin rawng an bawl ni mai hian ka hmu thin a, he mite veng tih dan hi veng dang pawh hian entawn zel sela, mi sualte thleng phakin rawng han bawl zel sela tih hi ka tawngtaina a ni ve tlat mai. - 8794686442