ZALEN April 12, 2025; All Mizoram CSS Employees Co-Ordination Committee (AMCECC) chuan sawrkar laka lungawilohna ni thum chhung an lantir dawn.

Thuchhuah an siamah AMCECC chuan, thuchhuah an lo siam tawh hmanga sawrkar an kohna in awmzia a nei lo tih tarlangin, hemi avang hian lungawilohna lan tir nan, tun thla April ni 15, 16 leh 17 chhungin Pen/Tool Down Strike neih ni se, damdawi in lama emergency duty te erawh hriatthiam ni se, tih an tarlang.

An thuchhuahah chuan, "Kan hruaituten sawrkar vawi engemawzat Regularization of CSS Employees Scheme, 2024 siamtha tura an dawr hnuah pawh hmasawnna a awm theih tak loh avangte, department thenkhat regularization proposal pawh DP&AR in a hnawl tak zel avangte, Regularization of CSS Employees Scheme, 2024 a taka kan hman theih nan hreh tak chungin lungawilohna kalpui a tul ta a. Mizoram sawrkar hnuaia CSS Employees zawng zawngte chuan he lungawilohna lantir tur hi lungrual taka zawm theuh turin kan inngen a ni," tiin an tarlang.