Aizawl June 24, 2023 : MNF Adviser leh Aizawl West II bialtu MLA ni bawk Lalruatkima chuan, "Sawrkar siam nawn turin MNF kan in ringtawk a ni," a ti.

Tuikual North MNF Unit II huaihawta mithar lawmluhna hunah he thu hi sawiin Lalruatkima chuan, "Sawrkar thaa kan hmuh thin hrang hrang hi MNF sawrkar hnuai ah kan hmu mek a. Gas kan hnianghnar a, ration buhfai te a lo tha ta em em a, tui leh electric te kan nei pangngai ta hle mai a, kan kawngpui te pawh nasa tak in  a lo tha ta a, a chhe lai la awmte pawh siam mek avanga chhiate a ni deuh chauh a nim" a ti.

MNF Adviser chuan, "Keini chu Pathiana innghat party kan ni a, Pathianin zilh kan ngaih hunah min zilh a, dawmkan kan ngaih hunah min dawmkang thin. Tawlailir leh sakawr tha chakna te ring lovin Pathian chakna ringin kan tho chhuak leh mek a ni," a ti bawk.

MNF thuchhuah tarlan danin Lalruatkima hian an party zawmthar mi 36 a lawmlut niin an tarlang.