ZALEN November 13, 2023 : Vawiin khan CYSS- AAP Zirlai pawl te chuan Zirlaite scholarship dawn theihlohna ah Mizoram Chief Secretary Renu Sharma hmuh tumin MINECO-a a office bulah an pungkhawm. Chief Secretary chuan pass anih ngei tur thu a sawiin zirlaite meeting a neihsan a a ni.

AAP zirlai pawl te hian an meeting chu nghakin, MSB Secretary PL Ramliana leh Principal Secretary, Higher and Technical Education Esther Lalruatkimi, IRS chu meeting na kawtah an hmu nghal a, anni hian Mizoram Chief Secretary hova Screening Committee naah scholarship chu approval pek anih thu an sawi a ni.

PL Ramliana chuan “ MSB lam chuan engkim kan peihfel thlap tawh a, he approval hi Election Commission of India hnuaiah a lut leh ang a, vawiin ah tihfel hman anih chuan zanin emaw naktuk velah keini lam chuan kan sem chhuak nghal dawn a ni” a ti.

CYSS- AAP Zirlai Pawl te chuan Scholarship la dawng lo te tan sem thuai ani tur hi lawmawm an ti a, sem anih hma chu an umzui zel dawn tih an sawi.