German company Bayerische Motoren Werke AG (BMW) chuan India ramah an scooter manto BMW C 400 GT chu kumin chhungin hralh chhuah hman an tum thu an puang.  

BMW C 400 GT hi khawvel hmun hrang hrangah hralh chhuah mek a ni a, India-ah pawh a lo thleng hnai. A man erawh a tlawm dawn lo hle a, India pawisa chuan cheng nuai 8-9 inkar vel ni tura ngaih a ni! Booking hi hawn a ni tawh a, 100 chuang zet chu hauhlawk an awm tawh. 

BMW hian man tlawm deuh zawk Maxi scooter pawh an tlangzarh tawh a, C 400 X leh C 400 GT te niin, a man hi India pawisa chuan cheng nuai li vel lai a kai tho a ni. 
BMW C 400 GT hi 350cc niin, bike tam tak aiin a chak zawk dawn tihna a ni. A man a to ang ngei hian belhchian pawh dawl hle tura ngaih a ni.