September thla tawp-ah Modi-an US tlawh dawn

Admin - Sep 04, 2021

President Joe Biden nen pawh an inkawm dawn?

Prime Minister Narendra Modi chuan September thla tawp hian United States a tlawh dawn niin Livehindustan website chuan a tar lang.

Modi-a hian Washington a tlawh ang a, President Joe Biden nen pawh an inkawm dawn niin an tar lang.

New York pawh tlawhin kum tina neih thin, United Nations General Assembly (UNGA) vawi 76-naah a tel dawn bawk nia sawi a ni.

Modi-an US a tlawh hun tur hi chiang taka sawi lan a ni lo thung a, September 21 chu a ni mai thei nia sawi a ni.

Prime Minister Modi-a hian US a tlawh a nih chuan January-a Biden-a president a nih hnua hmaichhana an inkawm hmasak ber a ni ang.

News agency ANI chuan Modi-an US a tlawh tura inbuatsaihna hi a kal mek niin a tar lang bawk.

Modi-an US a tlawh hnuhnung ber hi kum 2019 kha niin Donald Trump-a hn lai a ni a. Houston-ah hun liantham tak, ‘Howdy Modi’ tih hun an hmang dun.

Share now