February 9, 2024; Mizoram State Commission for Women (MSCW) chuan social media kaltlang a Mizo hmeichhia ni ngei a ngaih pakhatin sex live video a tihchhuah chungchangah suo moto in thubuai an ziaklut.

MSCW tarlan danin, social media video viral atanga a lan danin, he hmeichhia hi Instragram ah pui_puii_ chhakchhuak (zolanu tia hriat) niin a lang a, a video hi sum hmuh nan a hmang nia ngaih theih turin a live sex video en duh tana man chawia en theihna a tlangzarh hmasa niin a lang. Chu thil chu social media platform hrang hrangah a darh zui ta a ni.

Hetiang thil hi dan palzutna lian tak niin, hetianga mipat hmeichhiatna hmangtu leh a hmanpuitu bakah, social media account lo hmantirtu (mi hran an nih chuan) te lakah a rang thei ang bera thubuai lo ziak lut a, chhui zui ngai leh man ngai te lakah dan anga hma la zui vat turin SP, Cyber Crime Aizawl hriattir a ni. Hmalakna kimchang hi order chhuah atanga ni 7 chhungin MSCW hnena ziaka hriattir leh turin SP, Cyber Crime, Aizawl chu beisei a ni.