September 17, 2023; Siaha Jail atanga a tlan chhuah hnu a, central jail a man, chumi hnu a police te kut atanga tlan chhuak leh nia hriat Vanrampana (24) chuan vawiin khan Kanan veng, Aizawl ah mi in rawkin, two wheeler taxi a ru.

ZALEN thudawn danin, Vanrampana nia hriat hian vawiin chawhma inkhawm hlan khan Kanan veng a HK. Ngamliana In luahlai chu a kawngkar kar chhia in, mobile phone leh garage a an dah two wheeler taxi a ru a, an chhuizuina ah rukru hian man tlawm takin a mobile phone ruk a hralh a, a scooty pawh Rs. 1,500 a dahkhamin mi kutah a dah bawk.

Chhuizui a nih na ah two wheeler taxi a kawltir te hian vawiin tlai khan Vaivakawn police station ah scooty an dah let a, rukru ber erawh he thu ziahlai thleng hian a chin hriat a la ni lo a, mi tlawmngai ten an zawng mek zel nia hriat a ni.   

September 9, 2023-a Siaha District Jail atanga tlan chhuak Vanrampana, Meisatla, Siaha hi Zirtawpni chhun dar 1 khan Central Jail, Aizawlah man a ni a. Vanrampana hi Central Jail-ah tang dang kan turin a inziak lut a, dutyte'n a chezia uluk taka an en hnuah ringhlelin, jailor hnenah hruai a ni. 

Jailor chuan Siaha District Jail thuneitute a bia a, Siaha District Jail atanga tlan chhuak Vanrampana a ni ngei tih finfiah a ni.

Vanrampana hi Zonuam police Outpost-ah pek nghal a ni a, police-te medical tia an hruaichhuah hnu, police outpost an thlen hnuah a tlan chhuak leh a ni.

Amah hi rukruk thubuai avanga man niin, court-in a thubuai a ngaihtuah lai mek a ni