Sikkim-a North district-ah Ningani atanga ruah sur nasa avanga lei minin kawngpui a hnawh avangin tual chhung leh ram dang khualzin 2,000 chuang a  dang mek.

Kawngpui hi North Sikkim district khawpui, Mangan leh Chungthang inkalpawhna niin Pegong Supply Khola-ah a ping a, lirthei eng chi mah a tlang thei rih lo tih thuneituten an sawi.

Tual chhung mi 1,975 leh ram dang mi 36 zet chu Lachen leh Lachung vela khualbukah kawng tlang theih hun nghakin an awm mek a, heng lai hmun hi ram mawi tak tak en theihna tura kawngpui ber a ni.

Ram dang khualzin tang zinga 23 hi Bangladesh-a mi an ni a, US atangin mi 10 leh Singapore atangin mi pathum an tel bawk.

India-ah hian fur a intan mek a, chhimthlang tawp atanga ruah sur tanin tunah hian ram pum a dap chhuak tawh a, ruah sur avanga lei min leh tui lian tam hun lai a thleng tan leh mek a ni.