Barak Valley, Assam-a political party din thar, Barak Democratic Front (BDF) chuan Food Corporation of India (FCI) pisa, Silchar-a thil dik lo tam tak awm nia an sawi chu CBI chhui an phut.

Nikuma All Cachar Karimganj Hailakandi Students’ Association dintu president, Pradip Dutta Roy-an a din, BDF, hian CBI-a lehkha an thehluhah Silchar FCI-a Divisional Office (DO)-ah hian thil kal dan tur ni lo leh rinhlelhawm tak tak tam tak a awm niin an tar lang.
FCI-a thuneitu sangte hnenah thubuai 20 chuang awrh tur an nih thu BDF hian an ziak a. Thubuai nei tur zingah hian Silchar divisional manager (DM) leh general manager (GM) pawh an tel.

BDF chuan tih ngei tur ang thil tih loh a nih thu pawh sawiin Divisional Manager, Silchar leh GM (Assam) chuan vawi khat man an hun chhungin a hmuna kala thil endik an la nei ngai lo tih an sawi.

Salchapra-a Weight Bridge pawh mi mal engineer-te tihdanglamtir ngei a nih thu an thlen bawk.