DOWNLOAD OUR APP

Read latest news on your phone
app-store
South Korea-ah tui lian vangin mi pasarih thi
Sep 07, 2022

Typhoon Hinnamnor vangin South Korea-in tui lian nasa tak a tuar a, mi pasarihin nunna an chan. Tuilian hian lei hnuia car parking a chim a, mi pahnih chhanchhuah ni mah se midang pasarihte erawh chhan theih an ni ta lo. 

Chhanchhuah hna thawktute chuan ceiling pipe-ah mi pahnihte chu darkar 12 chuang an lo inhamtang tih an sawi a, him taka an lakchhuah thu an sawi. Nunna chante hi car dahsawn an tumna lama vanduaina tawk an ni a, car parking-a an awm laiin tui lian hian a chim ta thut a ni. 

Kumin hian Typhoon Hinnamnor chak tak chuan South Korea hi a nuai nasa hle a, vanduaina pawh a thleng tam tawh hle. An ram President Yoon Suk-yeol chuan nunna chan chhungte a tawrhpui thu leh vanduaina tawka hliam tuarte chu a tawrhpui thu a sawi. 

South Korea-ah hian Typhoon Hinnamnor avangin mi 10 vel an thi tawh a, hliam tuar pawh eng emaw zat an awm tawh a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh