February 8, 2024; Assembly speaker Lalbiakzama'n, "Sawrkar beh chhan ringawta in lak len tum lovin, mahni theihna zawnah zel intodelh leh hmasawn kan tum tur a ni," a ti. 

Assembly Speaker hian thlantlin a nih hnua a vawi khat nan a bial Chalfilh constituency-a khaw hrang hrangte February 2 atang khan a fang a, " Thlan tlin kan nih theihna tur chauhin kalphung thar mipui sawrkar kan aupui lova, a takin kan kalpui mek tawh a ni," a ti.

“Sawrkar atanga a thlawna dawn tum ringawt lovin, he ram leh sawrkar tan eng nge ka tih ve theih tih hi kan zirchhuah a, a tak taka kan kalpui a ngai a, sawrkar beh chhan ringawta in lak len tum lovin, mahni theihna zawnah zel intodelh leh hmasawn kan tum tur a ni," a ti bawk. 

Lalbiakzama hian inthlan hmaa a lo tiam tawh (private manifesto), a bial chhunga MLA Office hawn leh MUP in khawtina din chu hmalak mek a nih thu sawiin Phullen khuaah Office hawn a in peih tawh thu a sawi a, khawdangah pawh hawn belh a nih tur thu a sawi.