State leh Union Territory-ah vaukhanna

Admin - Dec 05, 2021

Thihpui an tam avangin lehkha a thawn

Omicron hlauhthawnna a awm mek laiin Inrinni khan state panga - Odisha, Karnataka, Kerala, Tamil Nadu leh Mizoram leh Jammu & Kashmir Union Territory hnenah Covid-19 kai leh thihpui an tam avangin lehkha a thawn.

Union Health Secretary Rajesh Bhushan-a hming ziah hnan lehkhaah hian state leh UT thuneitute chu ram dang atanga India-a lut (a bikin ram ‘hlauhthawnawm’) te, hri kai tamna bik vil tha tur te leh hri kaite sample thawna genome sequencing ti turin a ti.

J&K-a Kathua district-ah ringawt pawh November 26 leh December 2 inkar khan a hma chawlhkar aiin hri kai hmuh chhuah hi 727% zetin a pung.

Karnataka-a Tumkur district-ah pawh hri kai hi 152%-a kai hmuh zat pungin Tamil Nadu district pathumah pawh kai an pung chak hle.

Mizoram district paliah pawh pungin Saiha (237%) chu a pung nasa ber a. Odisha district parukah pawh pungin Dhenkanal-ah 667% zetin a pung.

Sorkar laipui hi Kerala-a Covid-19 vanga thi an tam lutuk chu a ngaihven hle bawk.

India-ah hian a pum pui chuan Covid-19 kai hmuh hi May thlaa thawh hnihna vanglai, ni khata mi nuai li vel kai lakah chuan a hniam tawh hle a. Darkar 24 liam ta chhung pawh khan mi 9,000 hnuai chauh a ni tawh.

Share now