State pangaah thawh sarihin inthlang dawn

Admin - Jan 09, 2022

February 10 atang hian thawh sarihin neih a ni dawn a, March 10-ah vote tlate chhiar a ni ang

Election Commission of India chuan Inrinni khan state panga - Goa, Uttarakhand, Uttar Pradesh, Manipur leh Punjab assembly inthlan hun puangin February 10 atang hian thawh sarihin neih a ni dawn a, March 10-ah vote tlate chhiar a ni ang.

Chief Election Commissioner Sushil Chandra chuan, “Bial 619-ah inthlan a ni ang,” tiin thuthar lakhawmtute a kawmnaah a sawi a. “Inthlan hun hi ngun taka inrawn hnuah ruahman a ni,” a ti.

Uttar Pradesh chu February 10 leh March 7 inkarah thawh sarihin an inthlang ang a. Goa, Uttarakhand leh Punjab te chu February 14-ah vote an thlak ang a. Manipur chu thawh hnihin, February 27 leh March 3-ah an inthlang ang.

Commission chuan political party-te chu vantlang inkhawmte chu ral atang (virtual)-a nei turin a ti a. Roadshow leh a taka inkhawm chu Covid-19 avangin January 15 thleng khap a ni.

“Inthlan thuneituten hei hi khauh takin an vil ang,” tiin Chandra chuan a sawi a. Chiai hun a ni lo va, uluk taka inngaihtuah hun etawh a nih thu leh voter-te himna ngaih pawimawh a nih thu a sawi.

Share now