ZALEN, Mar. 26, 2025: Youth Icon 2024 Taitea’n ‘Hmangaihna Runthlak’ tih music video hmangin a fan-te a rawn rûn dawn e.

Lalsangliana (Taitea) chuan a official music video hmasa ber tur, ‘Hmangaihna Runthlak’ tih chu a peih fel thawkhat tawh a, tun kar tawpah tlangzarh a tum a, zaninah teaser tihchhuah phawt a tum.

Bawktlang tlangval hian a fan-te rûn tura a video hmasa bera hla hi amah phuah a ni a. Shillong, Meghalaya-ah shoot a ni a, kar hmasa khan video siamin ni li chhung an inkulh a ni.

A video hi Mizorama videographer hriat hlawh, Dr. Reuben Lalmalsawma kut chhuak a ni a, track leh audio hi Youth Icon laia a mentor, Thangbawiha kut chhuak a ni thung.