Brazil-a hmunpui nei thlawhtheihna siam chhuaktu company pakhat Embraer chuan electric flying taxi siam chhuak turin hma an la mek. 

Brazilian plane maker Embraer hian electric flying taxi siam chhuak tur hian Sao Paulo-ah factory an din a, hma an la chho mek. Ruahman dan chuan flying taxi hi kum 2026-ah zawh fel hman beisei a ni. Helicopter anga duan a ni dawn a, taxi thlawk thei hmuh tur a awm thuai dawn tihna a nih chu - mi paruk a chuan theih ang. 

Flying taxi siam hi a hautak viau dawn a, a siam nana an sum ruahman pawh a tam tham hle. A man pawh a to dawn a, heti chung hian order lawk 3000 zet a awm der tawh niin company lam chuan an tarlang. 

US-ah pawh air taxi hi service tir tura hma lak a ni a, 2025-ah zawh fel hman an beisei nia tarlan a awm bawk. Leia a tum dawnah runway a mamawh ve dawn lo a, hmaun a heh vak dawn lo. Thlawhtheihna thlawh thui theih zawng zat zet a thlawk thei dawn nia tarlan a ni bawk. 

Electric hmang a nih dawn avangin oil renchem kawngah pawh a tangkai viau dawn a, khawvel ram hrang hrangin an intihmuh chho zel a nih pawhin a mak lo ang.