ZALEN May 18, 2025 : Ruihhlo ngaite enkawlna hmun pakhat, Tawngtai Bethel Camping Centre (TBCC) atanga chhuak zinga mi paruk chu damdawi hman sual (over dose)-in an thi tawh.

Central YMA-in ruihhlo do tura a din, Central Anti Drugs Squad atanga thudawn danin drugs over dose-a thite hi mipa panga leh hmeichhe pakhat an ni a, thite hi kum kum 24 atanga 34 inkarte an ni.

Hetih lai hian TBCC atang hian enkawl lai mi 900 chuang an chhuak a. Tun dinhmunah enkawl mek (camper) 58 awm mekin heng mite hi mipa 51 leh hmeichhia pasarih an ni a. Tun hnaia centre atanga chhuak zingah let leh pawh an awm nia thudawn a ni.

Central YMA hnuaia ruihhlo do tura din, CADS hian May 10-16 chhung khan heroin hawng sarih, Zolplix -10 tabs manin hemi kaihhnawihah hian mihring 36 man an ni.