Rahul Gandhi-a’n Khammam-a July 2-a hlawhtling taka campaign beihpui a thlak hnuah a nau, Priyanka Gandhi Vadra chuan he Telangana a tlawh veleh dawn.

Congress hruaitute chuan Gandhi Vadra-i hian July chawlhkar thumnaah Kollapur, Nagarkurnool district-ah a tlawh dawn niin an sawi.

Kollapur-a vantlang inkhawmah hian minister hlui, Jupally Krishna Rao-a pawh Congress-ah lawm luh a ni dawn a. Vawi nga zet he bialah hian thlan tlin lo ni tawhin heng zinga tum li hi Congress hminga thlan niin kum 2014 khan Bharat Rashtra Samithi (BRS) hminga thlan tlin a ni bawk.

Kum 2014 leh 2018 inkara K Chandrashekar Rao (KCR)-a sorkarah khan cabinet minister niin panchayat raj and rural development minister a ni.

Telengana hi kumin kum tawp lama inthlang ve tur tho an ni.