Aizawl: December ni 19-22,2023 inkar chhung khan Assam Rifles leh Foundation for Drug Free Mizoram tangkawp chuan Lammual-ah Mizoram Youth Festival denchhenin ruihhlo thatlohzia inzirtirna 'anti drugs campaign' an nei a, he hunah hian thalai 545 chu ruihhlo ti lo turin an intiam a ni. He campaign hi thalaite ruihhlo laka an fihlimna atana buatsaih a niin campaign a tel college leh school naupangte chu ruihhlo laka inthiarfihlim turin an intiam a, ruihhlo ti lo tura intiam thalai 545 te hnenah hian ‘Say No To Drugs’ tih badge leh certificate hlan an ni. Campaign kharna inkhawm hmanpuitu Deputy Inspector General of Assam Rifles, Mizoram Range chuan thalaite chu nun tichhe thei ruihhlo laka inthiarfihlim tur leh Mizoram chu ruihhlo awmlohna state a siam turin a sawm a. Assam Rifles hmalakna leh hmachhawpte a tarlang bawk.