Aizawl : Minister Dr. R. Lalthangliana chuan UNAIDS, Health & Wellness International Office leh World Bank te USA lama a dawr hnuah January 17, 2020 khan New Delhi-ah Mizoram mamawh hrang hrang te thlenin minister leh department lam hotute a dawr chhunzawm.
Minister hian Tribal Affairs Minister Pu Arjun Munda leh Minister of State, Tribal Affairs, Renuka Singh Saruta te chu an pisa-ah hmu leh nghalin Zoram Medical College in zirlai te tana Mipa leh hmeichhe hostel sakna tur ngaihtuah pui turin Tribal Affairs Minister pahnihte hnenah hian thlen. Mizoram Chief Minister in lehkha a ziah tawh ngaihpawimawh sak turin a thlen nghal. Minister pahnihte hnenah hian Mizoram in Health & Family Welfare leh Higher & Technical lama Infrastructure, a bika Mizoram mamawh hrang hrangte a thlen chu ngaihtuahpui rang turin a ngen bawk.
Dr. Vinod K. Paul, Member, NITI Institution for Transforming India Committee a Health & FW leh Higher Education changtu leh Medical Council of India Chairman ni lai chu Dr. R.Lalthangliana hian hmu nghalin, Zoram Medical College, Health leh Higher Education tih changtlun nana Infrastructure mamawh zual te a thlen. Dr. Vinod K. Paul hian NITI Aayog Member anihna ang a, theihtawp lo chhuahpui tur thu a hrilh.
Dr. R.Lalthangliana hian Ministry of Ayush hnenah Mizoram a Ayush Hospital sakna atan state sawrkarin Project a lo thehluh tawh chu arang thei anga tihhlawhtlin sak turin a thlen nawn leh a, Minister thu thleng hi Joint Secretary, Roshan Jaggi, Ministry of Ayush chuan lo dawngsawngin, Financial Year thar 2020-21 chhunga tihhlawhtlin a nih theihna turin theih tawp chhuahpui a lo tiam a ni.
Health & FW Department in an mamawh pawimawh bik leh Health Department hmalakna leh harsatna department in a tawh mekah Minister hian Union Minister of State for Health, Ashwini Kumar Choubey chu a hmu a, Union Minister hian hmalakna thar pawimawh bikte ziaka thlen turin a lo rawn bawk a ni.
Minister Dr. R.Lalthangliana chuan Pi Kamini Chauhan Rattan, IAS, Joint Secretary (Higher Education etc), Ministry of Human Resource Development leh official dangte hmu nghalin Mizoram a RUSA kalpui zel dan tur a sawipui a. RUSA Project III lo awm leh tur, Financial Year April 1, 2020 atanga tan tur ah hian abikin Mizoram in a mamawh em em College tihchangtlunna infrastructure hrang hrang te tihhlawhtlin ngei theih nise tih chu a thlen. Minister hian Union HRD Minister hovin RUSA kalpui anih tawh dan state hrang hrangin an hlawkpuina te leh kaldan phung fuh tawk lohna te en hona Review Meeting emaw Conference emaw neih thei nise a duh thu Ministry officials te hnenah hian a hrilh.