The Week that Was on October 24, 2021
The Week that Was on October 24, 2021
Smart phone sem
Mizo Student Union Regional Hqrs Lunglei chuan October 22, 2021 khan Lunglei Press Club- ah BPL leh AAY zirlai naupang te hnenah a thlawnin Smartphone an sem.
October 22, 2021 khan 4-Tuirial (ST) Assembly Constituency Bye-Election neih tura Polling Station tin a duty tur, Nodal Health Officer leh Covid Nodal Officer-te mawhphurna hrang hrang inhrilhhriatna hun, I&PR Conference Hall, Kolasibah neih a ni.
LUIDUNG NUNGCHA MAN PHALLOH HUN HMAN MEK A NI
Luidung nungchate humhalh nan leh an inthlah pun zel theih na tura “Luidung Nungcha Man Phal loh Hun - Closed Season” denchhenin Fisheries dept. chuan Lengluiah Lengpui YMA te nghafuan venna tur an tlawh. October 10 - December 18, 2021 inkar hi Mizoram sawrkar chuan Luidung Nungchate Man Phalloh Hun (Closed Season) atan a puang
MIZORAM AIAWH TEN CENTRAL MINISTRY A THUNEITUTE HMU
October 21, 2021 (Ningani) khan Delhi a cham mek, Rajya Sabha MP K.Vanlalvena leh Mamit bialtu MLA H.Lalzirliana, Vice Chairman RIDB leh Er.Vanlal Duhsaka, Member RIDB te chuan Union Ministry-a Secretary pahnih - Giridhar Aramane Secretary, MoRTH(Ministry of Road, Transport and Highways) leh Tarun Kapoor, Secretary, Petrolium and Natural Gas bakah NHIDCL(National Highways and Infrastructure Development Corporation Ltd) Managing Director Mahmood Ahmad te an hmu a. Mizoram mamawh thil pawimawh te an sawi pui a ni.
Health Minister Dr. R. Lalthangliana hovin SAD Conference Hall, MINECO-ah October 21, 2021 khan COVID-19 dinhmun sawiho a ni a, he hunah hian MOT Chairman Dr. ZR Thiamsanga, MLA, Chief Secretary Lalnunmawia Chuaungo, DM&R Secretary Vanlalngaihsaka, Health Secretary R. Lalramnghaka bakah Aizawl bawrhsap, AMC, Health Department, DIPR, Home, ZMC hotute telin, IMA, MOT. MKHC, Jt. NGO Coordination Committee leh Aizawl City Local Council Association aiawhte an tel bawk a ni.
Labour, Employment, Skill Development & Entrepreneurship (LESDE) Department leh ZMC tangkawp hmalakna Covid-19 hrileng dona hmanrua Bio-medical waste trolley 7 (pasarih) Govt ITI Aizawl-in an siam chu October 21, 2021 khan Lalramsanga Sailo IRS, Secretary, LESDE Department chuan a thawhhnihna atan ZMC-ah a hlan.
7th Economic Census
7th Economic Census buaipui tura Chief Secretary kaihhruaina hnuaia din State Level Co-ordination Committee (SLCC) chu October 21, 2021 khan Chief Secretary Lalnunmawia Chuaungo hovin CS Conference Room ah an thukhawm a, provisional results ah data thenkhat diklo nia ngaih theih leh data inmil lo chungchang an sawiho a ni.
Chief Minister Zoramthanga hovin October 21, 2021 zing khan 1st Bn. MAP Headquarters, Armed Veng-ah DGP leh Police Officers ten Police Commemoration Day pualin hun an hmang. Mizoram Police, duty laia hmelma kut tuara thi tawhte hriatrengna “Martar Thlan” ah sunna leh zahna pangpar hlan a ni. Police Commemoration Day hi India ram pumah leh Mizoram District Headquarters leh Battalion Headquarters-ah te hman a ni bawk.
ZMC Governing Council
Zoram Medical College Governing Council chu October 20, 2021 khan ZMC inrelbawlna chungchanga ngaihtuah tur pawimawh te sawiho in CM Zoramthanga hovin CM Conference Hall-ah an thukhawm.
Core Committee of SVEEP (Systematic Voters' Education and Electoral Participation) Aizawl District chu October 20, 2021 khan Additional DC K.Vanlalruati kaihhruaiin DC Conference Hall-ah thutkhawmna an nei a.
October 20, 2021khan kum khat chhung Mobile RT-PCR Van Mizorama hmang turin inremna thuthlung ziah fel a ni. He inremna thuthlungah hian sawrkar laipui aiawhin IBSD Director Professor PK Mukherjee chuan hming a ziak a, Mizoram sawrkar aiawhin COVID-19 leh IDSP State Nodal Officer, Dr Pachuau Lalmalsawma'n a ziak a ni.
2m | Oct 07, 2022
1m | Oct 07, 2022
1m | Oct 06, 2022