Award lawm Ni 12.9.2016 (Thawhtanni) khan Information and Communication Technology (ICT) department chuan a changtu Minister Lal Thanzara hovin e-Governance project an kalpui ?hat vanga an dawn Skoch Award paruk lawmna hun an hmang. September 8-9, 2016 chhung khan Hyderabad-ah Skoch Award Summit neih a ni a, India rama e-Governance project tha an thlan chhuahah Mizoram sorkara ICT department-in project an siam hmangin award paruk an dawng a ni. Nufa that Thawhtanni zing dar 8:48 khan South Khawlek khua cheng Suilianmawii (40) leh a fapa Muanpuia (5)-te chu an inah thia hmuh an ni a, heng nufa hi Isak Lalrinmawia (21) s/o Lalremruata (L), South Khawlek chuan a thah niin a sawi a, Police ten an man nghal. Thukhawm New Economic Development Policy (NEDP) hnuaia Land Reforms Committee chu Thawhtanni khan chief secretary Lalmalsawma hovin CS conference hall-ah an ?hukhawm. Committee hian Mizorama land ceiling siam dan tur te, ram hmasawnna project leh chenna in tur hmun ruak awm loh ?hin vanga harsatna chinfel dan tur te, V/C pass hmanga ram zau tak tak mimal hnena pek sorkarin a pawmpui loh leh chhiah chawi lo chungchang te, mimal ram zau tak tak nei hmang ?angkai si lo chungchangte leh VC-te'n ram an pekte chhinchhiah tura hmalakte an rêl. Champha lawm Ni 13.9.2016 (Thawhlehni) khan Zo Re-unification Organisation (ZORO) chuan I&PR Auditorium-ah United Nations-in Declaration on the Rights of Indegenous Peoples a puan champha kum 9-na an lawm a, Health Minister Lal Thanzara chu khuallian a ni. Hlawh pe theilo School Education department chuan thuchhuah siamin, Mizorama CSS hnuaia Hindi zirtirtu mi 1,305-te thla hnih hlawh tur sorkar laipuiiin August 16, 2016-a Rs. 6,31,94,568 a rawn pek chu RBI-a Mizoram sorkar account-ah sanction order dah a la nihlo lo tih an sawi. Tobacco day Ni 14.9.2016 (Nilaini) khan Mizoram State Tobacco Control Society huaihawtin Tourist Lodge, Chaltlangah Mizoram Anti Tobacco Day vawi thumna hman a ni a, Chief Minister Lal Thanhawla khuallian a ni. Anti Tobacco Day hi September 11 a ni a, Pathianni anih avangin Nilaini hian hman a ni a, kumin he ni thupui atan hian 'Vaihlo tello thalaite' (Tobacco free generation) an hmang. MZP in phut MZP chuan thuchhuah siamin, tun hnaia MPSC-in Mizoram sorkara thawk tur staff nurse a lak danah thil dik lo, MPSC ah mahni chhungkhat lainate duhsakna a awm nia sawiin dan dik taka la tha leh turin MPSC an phut tih an sawi. CCC Meeting YMA-a rorelna sang ber dawttu, Central Coordination Committee (CCC) chu Nilaini khan Central YMA Hall-ah neih a ni a, October ni 20,2016 a YMA rorel inkhawm neih tura Agenda lut te an thlifim. CCC meeting chuan kumpuan atana bûk turin 'Ruihhlo do', 'Ram leh hnam humhalh', 'Khawtlang nun siamthat' leh 'Zirna uar kum' tihte an thlang. Kawngzawh Ni 15.9.2016 (Ningani) khan MNF Party chuan Chamanri atanga Vanapa Hall thleng zu zawrh duhloh kawngzawh an nei a, mi thahnem tak an tel. Kawngzawh ah hian MNF Sr.Vice President Tawnluia, Lalruatkima MLA, Party President Zoramthanga leh Vice President Dr. R.Lalthangliana ten thu an sawi. Jail hawng Home Minister R. Lalzirliana chuan Ningani khan Chhiahtlang khaw daia Serchhip District Jail thar, mi 165 tan theihna tur cheng nuai 686 senga sak chu a hawng. Innei Ni 15.9.2016 (Ningani) khan Ramhlun East Presbyterian Kohhran Hall-ah vohbik tawng thei lo Alfred Lalchhanhima Ramhlun North leh H. Lalmalsawmi Electric veng te an innei.