February 9, 2023;  Tuirial Hydel Project zangnadawmna chungchang a Special Judge (Prevention of Corruption)-in thiam loh a chantir, kum 1 theuh tang tur leh cheng nuai 20 theuh chawi tura a hremte chu March ni 1, 2023 thleng atan bail a chhuah phalsak an ni.

Special Judge Dr. HTC Lalrinchhana chuan vawiin khan heng mi 6-te bail dilna hi a ngaihtuah a, bail diltu aiawh a ding ukilte leh sorkar ukilte thusawi a ngaihthlak hnu-in bail hi a phalsak a. Bail phalsakte hi an zualkona tur court sang zawkin an chungchang a ngaihtuah leh chhung atana bail a chhuah a remti emaw, he court thutlukna hi a paih emaw a nih loh chuan March ni 1, 2023 emaw a hma lamah emaw court hma-ah an inpe leh tur tih an ni.