August 8, 2023; Tlabung leh a chhehvel khuaah tukin zing dar 9 thleng khan, tuilian vangin chhungkaw 252 leh leimin vangin chhungkaw 2, an vaiin chhungkaw 254 te hmun him lama sawn chhuah an ni tawh.

Chung mite chen lailawkna tur chu Lunglei DC leh Tlabung SDO te hmangin chak taka ngaihtuah nghal a ni a, harsatna dang, heng buhfai supply te, power supply te, inbiakpawhna lamte a thlen belh loh nan a theih ang anga hmalakna neih zui mek a ni.

Lawngtlai District khawthlang lamah pawh tuilian vanga harsatna a awm nia hriat a ni a, District Disaster Management Committee aṭangin report ngaihchan mek a ni a, a tul anga hma la nghal turin inbuatsaih a ni bawk.