ZALEN January 6, 2023 : Aizawl khawpui chhung bawlhhlawh paih motor 151 zette chuan October, 2023 atang khan an tlanna man (bill) kan la thei lo va. January 13, hmaa an tlan man pek an nih loh chuan January 15, 2023 atangin Bawlhhlawh paih motor zawng zawng din tir an tum.

Aizawl Garbage Vehicles Owner Association (AGVOA) chuan motor maintenance, motor oil man, driver leh helper hlawhte pek reng a ngaih avangin an mangang tawh hle an ti a. Motor tlan tir rih loh mai te pawh kan duh, mipuite harsatna thleng tur ngaihtuahin sawrkar lama thuneitute ngaihchan leh phawt tha an ti a. Dt. 8.1.2024 (Thawhṭanni) atanga Dt. 13.01.2023 (Inrinni) thleng hian bill min pe tura sawrkar nawr nan bawlhhlawh paih motor tinah flag dum tar ni se an ti. Hei hian awmzia a neih loh chuan Dt. 15.01.2023 (Thawhtanni) atangin Aizawl khawpui chhung Bawlhhlawh Motor zawng zawng din tir an tum.

Aizawl Municipal Corporation huam chhung veng 83-a bawlhhlawh paih Motor te hi sawrkar STA approved rate ni lo, rate tlawm tak, per kilometer-a siam fel pawh ni lo, veng a zira fixed rate a tlan an ni, an ti a, thla khat pawh motor hman man an lak tlai hian harsatna an tawk mai thin niin an sawi. Hetiang hi an dinhmun anih avangin thla 3 motor hman man an lak tak loh avangin an buai tawh a ni. Aizawl mipuite pawh an harsatna hi hriatthiam pui a, mipuiin harsatna an tawh palh theihah pawh lo ngaidam turin an ngen a ni.