ZALEN April 11, 2025 : PHE Minister Prof. Lalnilawma leh Lunglei MLA pali te remruatnain PHED Lunglei Water Supply Maintenance Division LWSM te chuan April 12, 2025 (Inrinni) atangin Lunglei khawpui chhung hmun hrang hrang LMC area-ah tui hi sem an tum.

Lunglei Truck Owner Association te nen tuisem tur hian an thawkho dawn a, truck 10 vel tui sem tur hian ruahmanna a ni a, Tui hi Zobawk leh Hnahthial inkar Mat lui atanga chawi tur a ni.

Tui semna tur hi ruahman nghal niin April 18, 2025 thlenga sem dan tur duan a ni a, a tul ang zelin tui hi sem chhunzawm tum a ni. Ruahmanna anga sem theih loh palh a awm pawhin a tukah sem zel tum a ni a, veng hrang hrang sem hun tur te an bithliah sa a ni.

Heng bakah hian Hauruang, Vanhne leh Thuampui atan motor pakhatin chawlhkar khat chhungin vawi hnih sem chhuah hman tum a ni bawk.