June 22, 2023; A pianna khua Tualpui khuate  chuan Serchhip Bialtu MLA Lalduhoma chungchangah June ni 12, 2023 khan thuchhuah siamin, 'A nu leh pa ten an tuithlar ang dawn dawn a sawi a ni chu thu belhchian dawl lo a ni' tih an tarlang.

Thuchhuah an siamah All NGO's Joint Committee, Tualpui chuan, an khaw tlangval Lalduhoma, MLA Serchhip, a mimal taka social media hrang hranga beih mek a nih chungchangah thu dik zawk leh chiang tawk an tarlang tih sawiin, a chanchin an tarlante chu a pianna khua Tualpui te chuan a dik ngei tih Mizoram mipuite hriatah an tarlang tih an sawi.

An thuchhuah siam te:

1. Pu Lalduhoma, MLA Serchhip chanchin ni awm tak, a pian leh murna, a seilenna khaw neitu ngei te pawhin kan la hriat ngai loh, social media kaltlanga sawi a ni ta hi a pian leh murna, a seilenna khua, Tualpui khua leh tuite chuan mak kan tiin, a bik taka an puhna, - A nu leh pa ten an thuithlar ang dawn dawna sawi a ni hi, thu belhchian dawllo a ni tih leh, hemi chungchanga thudik tak hre duh kan awm a nih chuan keini All NGO's Tualpui khua te hian kan pui thei reng tih kan inhriattir a ni e.

2. Tualthah chungchanga beih a tawk leh zel hi, kohhran upa a nih angin, kohhran upa meuh chuan hetiang thil hi a thlen tir theih kan ring ngai lovin, kan ring phal lova, kum tam tak liam tawh hnua case kal lai pawh awm lo hmanga thar thawh a ni leh hi keini a khua leh tui te chuan hriatthiam har kan tiin, heng inbeihna hi thleng tawh lo se kan duh hle.

3. Upa Lalduhoma, mimal taka beih a ni reng bik hi, a khua leh tuite chuan kan lainatin, mimal taka dawt hmanga tihmualpho a ni ta fo hi kan phal tawh lo a ni tih hi Mizoram mipui te min lo hriat sak a, mimal taka dawt leh phuahchawp hmanga social media leh tawngkam a bei tawh lo turin kan inngen nghal bawk e.

He an thuchhhuah ah hian Tualpui khawtlang aiawh hrang hrangte hming an ziak a ni.