June 20, 2023; September ni 6, 2021 a Vanlalduati, Lunglei Chandmary thattu Lalchawimawia (24) chu Lunglei District & Session Judge in hrehawm taka damchhung tang turin a hrem.

Lalchawimawia hi tun thla ni 14 khan Lunglei District & Session Court chuan thiam loh a lo chantir tawh a, vawiin khan hrem a nih dan tur hi ngaihtuah niin, puan nghal a ni a. Thubuai ngaihtuahtu Lunglei District & Session Judge, TL Guite chuan, tualthattu Lalchawimawia thil tih chu pawikhawihna rapthlak tak a ni tih a sawi a, pawikhawihtu chu tunhmaa thubuai dang la nei ngai lo ni mah se, a pawikhawih rapthlak tak avangin hrehawm taka damchhung Lung In tang tur leh Rs. 5,000 chawi turin a hrem a. A sum chawi tur hi a pe thei lo a nih chuan thla 1 dang a tan belh a ngai dawn a ni.

Lalchawimawia hi tualthah thubuai bakah rukruk thubuaiah kum 8 tang tur leh cheng 5,000 chawi turin Court chuan a hrem bawk a ni