January 5, 2024; Ui (Pitbull) in a seh, hmeichhe naupang Ruthi Lalpekhlui (7), D/o F. Lalruatkima, Kawnpui Bangla Veng chu Zoram Medical College (ZMC) ah enkawl mek a ni.

ZALEN thudawn danin, Ruthi Lalpekhlui hi inrinni (3.2.24) zing dar 9 leh dar 10 inkar vel khan ui in a seh a, ui hian a biang leh lam ve ve bakah a hmui-ah a seh a, Kawnpui damdawiin ah jection nghal niin, Kolasib damdawiin atangin ZMC ah refer a ni.

Tunah hian thil tuiril bak a la ei/in thei lo a, he an vanduaina tawh ah hian ui neitu/enkawltute chuan a tul a piang-ah an buaipui a, an inenkawlna senso chungchangah pawh theihtawp chhuahin an buaipui niin ZALEN chuan thu a dawng a, Ruthi-i sehtu ui pawh hi nimin khan talh a ni nghal niin ZALEN thudawnna chuan a sawi. Ruthi Lalpekhlui hi Kawnpui Primary School V a class I zirlai a ni.