Ukraine atangin Indian tangkhang hruai haw
Ukraine-ah hian Indian tam tak an tangkhang a, sorkarin hruai haw dan dapin Inrinni khan Air India thlawhna pakhat chuan mi 219 phurin Romania a chhuahsan a, zan dar 6:30 velah Mumbai-ah a tum.
Thlawhna chhung video lang pakhatah chuan Romania-a India palai, Rahul Shrivastava chuan zirlai an hruai chhuahte hnenah Indian zawng zawng an hruai haw hma chuan an an hna an zo lo tih a sawi.
Thlawhna chhunga aurinna hmangah pawh Ukraine-a Indian la awm hriate chuan hrilh tur leh a theih anga hma an lak zui tur thu a sawi a. “Hun harsa a lo thlen hunah he ni, February 26 hi hre chhuak thin ula, engkim hi a tha leh mai ang tih hre reng rawh u,” a ti.
External Affairs Minister Dr S. Jaishankar chuan a mi mal tak pawhin Indian hruai chhuah hna hi a vil thu leh sorkarin ngaihtuahna a sen zel thu a sawi bawk.
“Chhun zan zawmin a hmunah kan team-in hna an thawk a, kei pawhin ka vil reng a ni,” tiin Twiter-ah a tar lang.
Air India thlawhna dang, Indian tangkhangte phurtu tho pawhin Inrinni vek khan Delhi a thleng bawk.
Indona a chhuah hnuah Ukraine hian himna atan an chung zawn boruak chu mihring phur thlawhna tan a khar a. Hei vang hian Indian hruai haw ngaite pawh an thenawm ram atanga hruai haw an ngaih ta a ni.
Tangkhangte hian Ukraine-a Indian embassy ruahman ang leh anmahni remchan angin Romanian khawpui, Bucharest panin heta tang hian sorkarin an hawna tur a ruahmansak a ni.
Latest News & Chhiar Hlawh
-
2m | Apr 25, 2024
-
2m | Apr 25, 2024
-
2m | Apr 25, 2024
-
1m | Apr 25, 2024
-
2m | Apr 25, 2024
-
2m | Apr 25, 2024
-
1m | Apr 25, 2024
-
1m | Apr 25, 2024
-
1m | Apr 25, 2024
-
1m | Apr 25, 2024
-
2m | Apr 25, 2024
-
1m | Apr 25, 2024
-
1m | Apr 25, 2024
-
1m | Apr 25, 2024
-
2m | Apr 24, 2024
-
2m | Apr 24, 2024
-
1m | Apr 24, 2024
-
2m | Apr 24, 2024
-
2m | Apr 24, 2024
-
1m | Apr 24, 2024